Inuk Travel angalatitsiviuvoq nunatsinni nunarsuullu sinneranut angalanernik aaqqissuillunilu billetsiliussisinnaasoq. Ukiuni 20-ni angalatitsivimmi sulisimalluni misilittagalimmit Gerth Poulsenimit aallartinneqarpoq.
Inuk Travelimi angorusutarput tassaavoq nunatta avammut nittarsaalluarnissaa. Takornariat nunatsinni angalasut, nunatsinneersullu innuttaasut, nunanut allanut angalanissaannik billetsiliussisarlutalu aaqqissuinermik suliaqartuuvugut.
Angallannikkut pissutsinik nunatsinni nunanilu allani ilisimaarinnilluartuunerput atorluarlugu pitsaanerpaamik siunnersuinissatsinnut piareersimajuaannarpugut.
Nunatsinni nunanilu allani misigisassaasinnaasut tamarluinnaasa tuniniarpagut.
Ilisimaarilluarparput nunatsinniit nunanullu allanut angallannikkut tuniniaaneq: Timmisartuuppat, unnuisarfiuppat, umiarsuarmut billetsiuppat, angalanermut sillimmataappat, biilinik attartorneruppat, taakkualu saniatigut – Nunatsinni takornariaqarnikut neqeroorutaasinnaasut tamarluinnaasa tuniniarneqartut aaqqissorsinnaavagut: umiatsiamik angalaarneruppat, arfernik takornariarneruppat, sermersuarmut takornariarneruppat, asimi illuaqqami unnuineruppat, aalisariartitsineruppat, qimussertitsineruppat, immaqaluunniit allarluinnarmik takornariaq pissarserusuppat sapinngisarput tamaat ikiusinnaasarpugut.
Angalalluarnissat anguniarlugu attaveqaateqarluarneq pingaartillugulu pigiuarparput.
Sumulluunniit angalarusukkuit attavigitigut, kissaatersi naapertorlugu ilissinnut neqoroorusuissaagut.
Attavissaq: booking@inuktravel.gl